Ri liberas

Se la ĉi-suba ludilo ne afiŝiĝas korekte, klaku ĉi tie.

Verkis tekston kaj muzikon, pianludis kaj kantis Gijom’ Armide
Registris kaj miksis (mastrigis) Jacques Hermet en Studio du Moulin, septembre 2012 (maje 2015).

Teksto

Trudas al li
Lia liec’
Agi, ami laŭ nia opini’

Trudas al ŝi
Ŝia ŝiec’
Ne elekti laŭ sia decidec’

Ĉu vi scias
Kiel kondutu tiu hom’
Kiu havas tiun sekson aŭ tiun-ĉi

En li kaj ŝi
Enfermitas
Veraj homoj laŭ mi
Enfermitas

REK.

Sed ri liberas, senkatenas, kaj rajtas estis si mem
Libere amas kaj ne zorgas ĉu sam- aŭ malsamseksem’
Libere donas kaj akceptas kaj ne ĝenas rin ia dilem’

Donu al ĉiuj homoj la
Eblecon eliri
De li kaj ŝi

Vortoj de la artisto

« Ri » estas pronomo, kies celo estas paroli triapersone sen precizigi la genron de la koncernato. Mi parolas plej ofte riisme. Estas malkomforte al mi precizigi la genron de la homoj, pri kiuj mi parolas. Mi konsideras, ke la genro estas vivelekto, kiun ĉiu faru por si mem aŭ ne faru. Ĝi povas evolui laŭ la tempo. Ĝi povas ŝanĝi ĉiutage, same kiel oni ŝanĝas siajn vestaĵojn. La devigo en multaj lingvoj paroli pri homoj precizigante iliajn genrojn estas por mi tre limiga. Mi parolas riisme por liberigi homojn je la kaĝo en kiun oni metas ilin pro lingva kutimo.

Logike, riismo inkluzivas iĉismon kaj uzon de ĉiuj radikoj laŭ neŭtralgenra senco. Jen ekzemplo.

La profesoro alparolis la lernanton.
→ Oni nenion precizigas pri la genro de la profesoro nek pri tiu de la lernanto.

La profesorino alparolis la lernantiĉon
→ Oni precizigas, ke la profesoro estas ino (« virino ») kaj la lernanto estas iĉo (« viro »).

En riisma esperanto, laŭ mi, ne plu vere utilas kelkaj radikoj kiel vir- kaj knab-, tial ke viro samsignifas kiel homo kaj knabo samsignifas kiel infano. Anstataŭ viro kaj virino, mi diras homiĉo kaj homino. Sed plej ofte, mi simple tute ne bezonas aldoni ajnan postafikson.

Mi rekomendas la legadon de “Kial iĝi riisto” el la blogo egalecen.

Tamen montriĝis, ke la elekto de la litero R por la neŭtrala triapersona pronomo estas malkomforta al multaj riismemuloj. Do ĉar tiu movado estas ankoraŭ sufiĉe nova kaj malvasta, ni konsideras, ke ankoraŭ tempas por debati pri tiu temo kaj ni kreis la Forumon por Genra Ekvilibrigo de Esperanto (ForGEEso). Ni invitas ĉiujn riistojn partopreni en ĝi.

Se vi ne estas riisto kaj dubas pri la indeco difini neŭtralan triapersonan pronomon en esperanto, esprimu vin ne en la forumo sed en ĉi-suba komento.

Respondi

Retpoŝtadreso ne estos publikigita. Devigaj kampoj estas markitaj *