Tuj kison de vi

Se la ĉi-suba ludilo ne afiŝiĝas korekte, klaku ĉi tie.

Verkis tekston kaj muzikon, pianludis kaj kantis Gijom’ Armide
Registris kaj miksis (mastrigis) Jacques Hermet en Studio du Moulin, septembre 2012 (maje 2015).

Teksto

Vi kiun mi vane provas envulti
Vi kiu ververe igas stulti
Vagi pretervoje, vinaĉojn engluti
Ve ĉu vi tute ne vi-
-Das mian amon por vi?
Ĉu vi?

Mi ĉiumomente miras pro l’miraĝ’
De la mildaspekto de via vizaĝ’
Ama mieno malbenita avantaĝ’
Movu la manon al mi
Se vi ne estas nur mi-
-stikaĵ’!

REK.

Mi bezonas gajni viajn rigardojn
Atentu, ke ili de mi ne deviu
Mi bezonas fali en vian varmon
Mi volas tuj kison de vi
Juhu!

Ni neniam plu serĉadus la nordon
Se vi volus blovi la ĝustan vorton
De l’malvarmo mi ne plu sentus la mordon
Ĉu ni do spertos neni-
-El iom da harmoni’
Ĉu ni?

Respondi

Retpoŝtadreso ne estos publikigita. Devigaj kampoj estas markitaj *