Laŭaŭtoraj arkivoj: Anja

Ĉi nemieca hejm’

Unua elŝutaĵo de la garaĝa albumo

Verkis tekston kaj muzikon Gijom’ Armide
Kantis kaj pianludis Gijom’ Armide
Registris kaj miksis Gijom’ Armide

Eĉ kun multe pli
Da spac’ kaj cetere
Ĉambroj pliaj tri
Teraso, mi vere
Ne vivas en ĝi

Ĉu l’ dekoraci’
Impresas karcere
Aŭ plaĉe al mi
Ho ve! mi sincere
Ne vivas ekstere

Kreskas ne sub ĉi-tegment’
Fajro, fajfo nek silent’
Dum dek cikloj de la lun’
Miajn fingrojn traglitas la nun’

Tie estas nek kolor’
Nek malordo, nek odor’
Ĉu devenas ĝi de Dejm’?
Ĉi nemieca hejm’

Indas scii pri
Ĉi tiu infere
Dezerta staci’
Ke ni du tenere
Ja vivis en ĝi

Sed pro rev’ de pli
Da spac’ kaj cetere
De dekoraci’
Vi iris fiere
Por vivi ekstere

Kreskas ne sub ĉi-tegment’
Fajro, fajfo nek silent’
Dum dek cikloj de la lun’
Miajn fingrojn traglitas la nun’

Tie estas nek kolor’
Nek malordo, nek odor’
Ĉu devenas ĝi de Dejm’?
Ĉi nemieca hejm’

Eĉ kun multe pli
Da spac’ kaj cetere
Ĉambroj pliaj tri
Teraso, mi vere
Ne vivas en ĝi
Mi ne vivas ekstere
Mi ne vivas

Fasko “Genro kaj Egaleco en Esperanto”

Ri liberas

Okaze de la finverkado de la artikolo pri la kanzono “Ri liberas” fare de Gijom’ Armide, ni prezentas al vi kolekton de publikaĵoj pri la temo “Genro kaj Egaleco”.

Persona aliro al la temo estas la kantprelego Teneriĉaj Konfidoj de Gijom’ Armide. Se vi maltrafis ĝin dum la IJF 2014, vi povas ĉi-tie legi la tekston kaj aŭskulti la kanzonojn.

Ankaŭ en la blogo Egalecen vi povas legi personan klarigon pri Kial iĝi riisto?

Por diskuti la plej taŭgan kielon iĝi riisto, por priparoli lingvoreformon, ni ofertas al vi la Forumon por Genra Ekvilibrigo de Esperanto – ForGEEso.

Resumon de la situacio en Esperanto rilate al Genro kaj Egaleco verkis Anja Eisemann surbaze de seminario gvidita de Tomio Frejarö dum la IJF 2014.