Hej vi !

Jen kanzono pri unu el la mil fojoj, kiam mi kaptiĝis per afekcia dependeco je unu homo. Unu homo, kun kiu mi pasigis nur unu nokton. Unu homo, kies korpo varmis kiel hejtilo, kaj kiu ŝatis lude ruliĝi en la neĝo sen ĉemizo, konsiderante, ke estas mensogo, ke malvarmo povas malsanigi nin.

Ŝaltu la subtekstojn !
Se vi deziras aldoni subtekstojn en nova lingvo, klaku ĉi-tie.

TekstoHej vi

Hej vi!
Kiel eblas tiel hejti
De mia maldika epiderm’
Ĝis mia plej profunda kern’?

Hej vi!
Kiel eblas tiel hejti
De mia plej malgranda vejn’
Ĝis mia tuta tro granda hejm’?

Hej vi!
Kiel eblas sin levi?
Ĉu estas do jam la maten’?
Ĉu ĝenas al vi mia ten’?

Hej vi!
Kiel eblas sin levi?
Min svenigus tia pen’
Min ĝojigus tia sven’

REKANTAĴO

Vi kuŝiĝas surgrunde
Vintre, tutnude
Tuj degelas la neĝ’
Kia bonŝancega neĝ’!

Vi promenas dezerte
La suno certe
Ne plu estas la reĝ’
Malmola leĝ’ sed leĝ’!

Hej vi!
Pri kio mi povas revi
Pli ol vi kontraŭ mia abdomen’?
Pli ol via varm’ en mia ren’?

Hej vi!
Pri kio mi povas revi
Pli ol via varm’ en mia ren’?
Pli ol via iama reven’?

Akordoj

STROFO
Sol, Do/sol | Sol7 |  X 2
Fa, Fa4, 6 | Fa |
Sol, Do/sol | Sol |

REKANTAĴO
(Fa ĉe la 4-a pulso) | Mib, Mib | Sol, Sol | Dom | Rem7 | Sol, Sol | X 2

CC-BY Gijom’ Armide

4 pensoj pri “Hej vi !

    1. Guillaume / Gijom' Aŭtoro

      Saluton, Denice !
      Dankon pro via mesaĝo. Mi ĝojas, ke vi opinias tiun kanton seksalloga !! 😀 Mi ja intencis paroli pri voluptaj sentoj per ĝi.
      🙂
      Amike,
      Gijom’

      Respondi
  1. Marina Kocarj

    Kara amiko Gijom’! Elkoran dankon pro viaj sinceraj muzikajhoj! La muziko, ritmo, profundaj tekstoj de viaj kantoj ege
    emocie kaptas chiun auskultanton. Tre sukcese vi aplikis variajhon de Ravela muzika temo… La unuan fojon mi auskultis vin dum la Internacia Arta Vespero en Kopenhaga UK-96, 2011. Ankau mi partoprenis ghin kun flute plenumita “Kanzono de Solvejg”. De tiu momento mi sekvas vian evoluon dank’ al Irek Bobrzak kun lia “Varsovia Vento” internet-podkasto. Dankon al vi! Plurajn sukcesojn! Sincere, Marina Kocarj el Rusio.

    Respondi
    1. Guillaume / Gijom' Aŭtoro

      Saluton, Marina !
      Dankon pro via mesaĝo, kiu donas al mi emon daŭrigi. Mi estas kortuŝita pro scii, ke vi sekvas miajn aventurojn ekde Kopenhago 2011. Irek estas tre kara homo, kies laboro por subteni la esperantan kulturon estas tre valora al mi. Mi baldaŭ aldonos ligilojn al Varsovia Vento en ĉi tiu retpaĝo.
      Ĝis baldaŭ !
      Amike,
      Gijom’

      Respondi

Respondi

Retpoŝtadreso ne estos publikigita. Devigaj kampoj estas markitaj *